БЫЕЛГЫ КЫШНЫҢ НИНДИ БУЛАЧАГЫ БИЛГЕЛЕ БУЛДЫ

Кар кайчан ятачак? Кыш җылы килерме, әллә салкын булырмы? Әлеге сорауларга КФУ профессоры җавап бирә

КФУ профессоры әйтүенчә, февральдә температура күрсәткечләре нормадан югарырак булачак.

Татарстанда ноябрь, декабрь, гыйнвар айларында температура норманы тәшкил итәчәк, дип фаразлый КФУның метеорология, климатология һәм атмосфера экологиясе кафедрасы җитәкчесе, профессор Юрий Переведенцев.

- Ә кыш ахырында – февральдә, яз башында – мартта температура гадәттәгедән югарырак булырга мөмкин, - ди ул.

Профессор фикеренчә, киләсе атнада болытлы булачак. Дүшәмбе, 26 октябрь көнне, яңгыр яварга мөмкин. Көндезге сәгатьләрдә термометрлар плюс 4 градуска кадәр менәчәк, төнлә минус 2гә кадәр төшәргә мөмкин.

- Хәзерге вакытта уртача һава торышы +3 градусны тәшкил итә. Бу нормадан югарырак, - ди профессор, - алга таба температураның төшүе көтелә. Ә кар якынча 18-21 ноябрь көннәрендә ныклап ятачак.