БУШЛАЙ "БАЛАЛАР ҖЫР МАРАФОНЫ"НА РӘХИМ ИТ

29 апрель – Бөтендөнья балачак хыялларының тормышка ашу көне. Шул уңайдан, бүген сәгать 15:30 да Татарстан Республикасының социаль челтәрдәге рәсми төркемнәрендә “Балалар җыр марафоны” дип аталган зур онлайн-концерт башланып китә.

Анда республиканың яшь җырчы һәм артистлары чыгыш ясаячак. Аларга исә зур уңышларга ирешкән, танылган йолдызлар ярдәм итәчәк. Салават Фәтхетдинов, ВИА “Волга-Волга”, Лэйна, Илнар Миранов, Р. Ваһапов фестивале артистлары белән беррәттән сәхнәдә Балалар Евровидениесе, “Голос.Дети” , “Лучше всех” һәм башка бәйгеләрдә катнашкан балалар чыгыш ясаячак.
 

Шул рәвешле, танылган артистлар йолдызлар белән бер сәхнәдә чыгыш ясарга теләгән балаларның хыялларын чынга ашырачак, ә балалалар исә үзизоляциядә утырырга мәҗбүр балаларга теләктәшлек күрсәтәчәк.

Яшь катнашучылар арасында Сәйдә Мөхәммәтҗанова ( «Голос. Дети» шоуы финалисты), Олеся Машейко, («Голос. Дети» катнашучысы), Шаян ТВ солистлары, «Очечи» триосы (Балалар Евровидениесенең россиякүләм этабы финалистлары), Яна Никонова, Влад Козловский, #Кудрены дуэты ( «Лучше всех» тапшыруы катнашучылары), Иван Шуваров һәм Абдулахад Алижанов («Созвездие-Йолдызлык» фестивале җиңүчеләре), Даяна Кириллова, Сәйдә Әхмәдуллина, «Даешь молодежь» дуэты, Тимерхан Якупов һәм башкалар бар.

Концерт кичке 18:00 гә кадәр дәвам итәчәк. Трансляцияне https://vk.com/nashtatarstan, https://ok.ru/nashtatarstan, https://www.youtube.com/c/TatarstanRepublicOfficial кебек төркемнәрдә карарга мөмкин. Моннан тыш, аларны республиканың зур шәһәр төркемнәре һәм татар тематик төркемнәре дә күрсәтәчәк.