БҮГЕН КАЗАНДА КЫШ БАБАЙ РЕЗИДЕНЦИЯСЕ АЧЫЛА

Казанлыларны Кыш Бабай резиденциясенең ачылышына чакыралар
Чара бүген, 29 декабрь көнне, Горький паркында узачак. Халык өчен күңел ачу программасы әзерләнгән.

Казанлылар мастер-классларда катнаша алачак, кышкы гаилә уеннарында күңел ачачак, шулай ук Яңа ел базарын да күрәчәк. Резиденциядә Кыш Бабай белән фотога төшәргә һәм Яңа ел теләкләре әйтергә мөмкин, дип хәбәр итте Вахит һәм Идел буе районнары администрациясенең матбугат хезмәте.

Чараның башлану вакыты – 16:30.

Резиденция «Трудовые резервы» мәйданы янында урнашачак.