БҮГЕН МУЗЕЙЛАРГА БУШКА КЕРЕРГӘ БУЛА!

Бүген, 22 гыйнварда, “Казан Кремле” үзенең 26 яшьлек туган көнен билгеләп үтә. Бәйрәм көне уңаеннан, ул кунакларына менә дигән бүләк әзерләгән: Казан Кремленең музейларына бушлай кереп була.

Алар – Татарстанның табигый тарих музее, Татарстан дәүләтчелеге тарихы музее, Ислам мәдәнияте музее, Благовещение соборы музее, “Эрмитаж-Казан” үзәге, “Манеж” күргәзмә залы. Музейлар 10.00-18.00 аралыгында эшли.

Мисал өчен, “Эрмитаж-Казан”да “Матисс. Пикассо. Шагал. Искусство Западной Европы 1910-1940-х годов в собрании Эрмитажа”күргәзмәсе бара. Ул 24 майга кадәр дәва итәчәк. Әлеге күргәзмә – 1910-1940 еллардагы Европадагы сәнгатьне күз алдына китерү омтылып карау. Биредә Эрмитажда тупланылган сәнгать әсәрләре тәкъдим ителгән.

Ә “Манеж” залында “Рәссам Әхсән Фәтхетдинов: дустыма хат” күргәзмәсе белән танышырга мөмкин. Ул Татарстан рәссамы, сынчы-монументалист Әхсән Фәтхетдиновның 80 яшьлегенә багышлана. Биредә төрки фольклор, Шәрык әдәбияты, Габдулла Тукай, Равил Фәйзуллин поэзиясе мотивларын да күзәтергә мөмкин.