БЕРЕНЧЕ СЫЙНЫФ УКУЧЫЛАРЫ ӨЧЕН ЧӘРШӘМБЕ ЯКИ ПӘНҖЕШӘМБЕ ҖИҢЕЛ КӨН БУЛЫРГА МӨМКИН

Россия Мәгариф министрлыгы беренче сыйныф укучылары өчен уку атнасының уртасында йөкләнеше азрак булган көн кертергә тәкъдим итә. Бу хакта ТАСС министрлыкның методик тәкъдимнәренә сылтама белән яза.

Министрлык мәктәпләргә чәршәмбе яки пәнҗешәмбе көнен җиңеләйтелгән уку көне итеп билгеләргә киңәш итә. Бу көнне балаларга интеллектуаль яктан катлаулырак булмаган дәресләрне күбрәк кертергә тәкъдим ителә.

Мондый тәртип беренче сыйныф укучыларының артык аруын булдырмаска һәм аларга мәктәп тормышына җайлашырга җиңелрәк булышырга тиеш.

Әлеге тәкъдим беренче сыйныф укучылары өчен сентябрь һәм октябрь айларында дәвам итә торган адаптация чорында гамәлдә булырга мөмкин.

Адаптация чорында балалар өчен өстәмә тәнәфесләр дә каралган: икенче һәм өченче дәресләрдән соң — 20шәр минутлык тәнәфес, шулай ук кимендә 40 минутлык хәрәкәт паузасы. Аны саф һавада үткәрергә киңәш ителә.