БЕРЕНЧЕ ЯШЬ БЛОГЕРЛАР ФОРУМЫ: КАЙДА? КАЙЧАН? КЕМНӘР КАТАНАША?

Татарстанда «Со смыслом» дип аталган беренче яшь блогерлар форумы уздырыла. Бу турыда Яшьләр эшләре буенча министр Ринат Садыков хәбәр итте. Кайда? Кайчан? Кемнәр катнаша? Бу турыда тулырак – язмада!

«Со смыслом» форумы 3-5 сентябрь көннәрендә Лаеш районының «Идел» яшьләр үзәгендә узачак. Әгәр син 18-35 яшьлек креатив блогер икән, 25 августка кадәр форумда катнашу өчен биредә теркәлергә өлгер. Үз блогын яңарак кына башлап җибәрүчеләр бер дә борчылмасын! Биредә алар өчен төрле дәрәҗәдәге уку-укыту программасы әзерләнгән.

Яшьләр министры сүзләренчә, бу мәйданчык берничә көндә тәҗрибә белән бүлешү, бер-береңә файдалы киңәшләр бирү өчен оештырыла. Катнашучылар өчен белем бирү программасыннан тыш, мәдәни чаралар да тәкъдим ителәчәк. Ә форумның спикерлары итеп республика һәм федераль дәрәҗәдәге блогерлар чакырылган.

Форумны Татарстан Яшьләр эшләре министрлыгы «Инсайт Люди» продюсерлык үзәге белән берлектә оештыра.