БЕЛЕМ КӨНЕ 2 СЕНТЯБРЬДӘ БУЛАЧАК?

Белем көне быел 2нче сентябрьдә узарга мөмкин. Бу турыда Казан мериясе хәбәр итә.

Мәгариф идарәсе җитәкчесе Илнар Хидиятов быел Белем бәйрәмен дүшәмбе көнне 2нче сентябрьдә үткәрергә тәкъдим итә, чөнки 1нче сентябрь ял көненә туры килә. Әмма бу бары тәкъдим генә, һәм һәр мәктәп үзе кайсы көнне уздырырга икәнен үзе сайлый ала: ял көнне (1нче сентябрь) яки дүшәмбе (2нче сентябрь).

Быел Казан мәктәпләренә 19 мең бала укырга керә, ә каникуллардан 120 мең бала укырга киләчәк.