БДИ ЧОРЫНДА УКЫТУЧЫЛАР НИЧЕК ЭШЛӘЯЧӘК

Быел БДИ җәй уртасына туры килә. Укытучыларның ял вакыты. Әлеге мәсьәлә ничек хәл ителәчәк?

Россия мәгариф өлкәсендә күзәтчелек идарәсе башлыгы вазифаларын башкаручы Анзор Музаев хәбәр иткәнчә, БДИ уздыруга бәйле рәвештә 300 мең укытучыга эшкә чыгарга туры киләчәк.

«Имтиханнар җәй уртасына күчерелде. Шул рәвешле укытучыларга уңайсызлыклар тудырылды. Якынча 300 мең укытучыга отпусктан чыгарга туры киләчәк”, - дип ассызыклады җитәкче.

Аның каравы, БДИ чорында эшкә чыккан укытучыларга өстәмә хезмәт хакы түләнәчәк. Хәер, аны һәр төбәк аерым оештырырга тиеш. Хәзерге вакытта күп кенә регионнарда бу эш башланып киткән инде.