БДБ илләре Уеннары: Казан башлый

Бәйсез Дәүләтләр Бердәмлеге илләренең тәүге Уеннары Казанда узачак. Бу хакта Россия Федерациясе Хөкүмәте рәисе урынбасары Ольга Голодец җитәкчелегендә кичә узган Хөкүмәт комиссиясе утырышында билгеле булган.

Тәүге ярышлар 2020 елның 20-27 августында уза. Ярышлар Олимпия елында һәм ТАССРның 100 еллыгын бәйрәм итү кысаларында узуы белән дә истәлекле. Казанга 2 меңнән артык спортчы һәм 600ләп рәсми зат килер дип көтелә.

БДБ илләре Уеннарына спортның 19 төре кергән. Алар арасында дзюдо, самбо, пляж волейболы, пляж гандбол, мини-футбол кебек спорт төрләре һәм, Россия көрәш федерациясеннән "Ялкын" хәбәрчесенә җиткерелгән мәгълүмат буенча, үзебезнең көрәш тә кертелгән.