«БАЙТИК» ЛАГЕРЕНДА – ЦИФРЛАШТЫРУ КӨНЕ

23 июнь көнне «Байтик» базасында Цифрлаштыру көне узды. Шул уңайдан балалар янына кунакка Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин килде. Экскурсия вакытында кунакларга «Байтик» турында сөйләделәр, робототехника, музыка, мультфимнар ясау кабинетларын күрсәттеләр.

Шулай ук «Байтик» җитәкчеләре база эчендәге кечкенә генә палаткалы лагерь белән таныштырдылар, аннан соң Айрат Хәйруллин балалар өчен махсус «Цифрлаштыру дәресе» уздырды.