БАЛЛЫ РИЗЫКЛАРГА БӘЯ АРТАЧАК?!

Баллы ризыкларга, төрле тәм-томнарга бәя артуы турында россиялеләргә Мәскәү сәнәгать-җитештерү үзәге палатасы хәбәр итә. Бәя артуның сәбәбе - пальма мае.

Бәяләр якынча 5-7%ка киләсе ярты елда артачак. Сәбәбе пальма маена льготалы 10 % НДС урынына, 20 % НДС билгеләнүе белән бәйле. Дәүләт Думасы мондый карарны болай гына кабул итмәгән: пальма мае кулланылган азак-төлекнең артык начар сыйфатта булуына бәйле ризасызлар арткан. Ә пальма мае, белүбезчә, бик күп баллы ризыкларны җитештерүдә кулланыла. Дәүләт Думасы пальма маена НДСны арттыру аша, әлеге чимал кулланылган азык-төлекнең кибет киштәләрендә кимүенә өметләнә.