БАЛАНЫ МӘКТӘПКӘ ӘЗЕРЛӘҮ 10 МЕҢГӘ ТӨШӘЧӘК

Фискаль мәгълүматлар операторы "Платформа ОВД" хәбәр итүенчә, быел әти-әниләргә балаларын беренче сыйныфка әзерләгәндә, мәктәп формасы, канцелярия кирәк-яраклары һәм букча өчен 10 мең сумнан артык акча тотарга туры килгән.

Шунысы да бар, быел, 1-20 август аралыгында, мәктәп кирәк-яраклары күпкә азрак сатылган, ә уртача чек бәясе исә арткан.

Конкрет товарларга килгәндә, мисал өчен, пеналлар быел 3%ка азрак сатылган, әмма бу товарга уртача бәя 15%ка арткан.

Мәктәп формасының бер атрибуты булган ак блузкалар исә, узган елгыга караганда 20%ка азрак сатылган, ә уртача бәя 19%ка артып, якынча 1100 сумга җиткән. 

Әти-әниләр хәзер күпчелек мәктәпкә әзерлек кирәк-яракларын аерым-аерым түгел, ә тулы наборлар белән ала башлаган. Мондый наборларны исә быел узган елгыга караганда 2.5 тапкыр күбрәк алганнар.