Балалар хирургиясе һәм травматологиясе фәнни-тикшеренү институты президенты Леонид Рошаль балалы гаиләләрдә тәрәзәләргә саклагычлар куюны канун тарафыннан мәҗбүри итеп куярга тәкъдим итте. 

Үзенең хатында Леонид Рошаль балаларның тәрәзәдән егылып төшүен ил күләмендәге мәсьәлә дип атый. Узган ел гына да шул рәвешле 700 баланың зыян күрүе билгеле. Аның фикеренчә, тәрәзәгә саклагычлар куюны закон тарафыннан мәҗбүри итү мондый бәла-казаларны бик күпкә киметергә ярдәм итәчәк. Леонид Рошаль үзенең тәкъдимен Россия президенты Владимир Путинга, премьер-министр Дмитрий Медведевка, спикер Валентина Матвиенкога һәм Дәүләт думасы спикеры Вячеслав Володинга юллаган.

БУ ТЕМАГА ЯЗМАЛАР:

ТӘРӘЗӘЛӘР… Балаларны ничек сакларга?

Балалар тәрәзәләрдән егылып төшә: КЕМ ГАЕПЛЕ?