Балалар пособиясе балага өч яшь тулганчы түләнәчәк

Яшь ярымнан алып өч яшькә кадәр балалары булган гаиләләргә яшәү минимумы күләмендә пособие түләнәчәк. Бу хакта Владимир Путин туры элемтә вакытында белдерде.

Киләчәктә бала караучы әниләргә пособияне балага өч яшь тулганчы түләргә җыеналар. Ләкин әлегә аны алуның тулы шартлары билгеләнеп бетмәгән. Бу ярдәм кайчан түләнергә тиеш: гаиләдәге керем бер кешегә яшәү минимумы ике яки бер ярымнан артмагандамы? Бу хакта хөкүмәттә фикерләшүләр бара әле, диде Владимир Путин.

Билгеле булганча, быелдан беренче һәм икенче бала туган гаиләгә өстәмә пособие түләнә башланды. Аның күләме уртача 11 мең сум. 2020 елдан шушы пособияне алучы гаиләләр саны тагын да артачак.

Бу хакта тулырак: /tatar-inform.tatar/