Август аена һава торышы билгеле

Июнь аеның уртасы җитүгә карамастан, һава торышы татарстанлыларны кызу көннәр белән сөендерергә ашыкмый. Ике-өч көн җылы тора да, тагын суыта...

Белгечләр исә тиздән Татарстанга кызу җәй киләчәк дип ышандыра. Хәер, «тиздән» диюләре, август ае.  КФУ профессоры Юрий Переведенцев фаразлары буенча, август ае коры һәм кызу булачак. Уртача һава температурасы 26-28 градуска җитәчәк. Ә менә июльдә, кызганыч, салкынча һава торышы сакланачак.

Аның каравы, быел басуларда уңыш югары булырга тиеш. Һава торышы шулай дип вәгъдә итә.