Һава торышы бозыла

Татарстан Гадәттән тыш хәлләр министрлыгы янәдән Татарстанда һава торышы бозылу турында кисәтә. Бүген төнлә һәм иртәгә республикада яшенле яңгыр көтелә.

Шулай ук, синоптиклар көчле җил турында да кисәтә. Ул урыны-урыны белән секундына 22 метрга кадәр җитәргә мөмкин. Шулай ук кайбер урыннарда боз явуы да ихтимал. Һава температурасына килгәндә, шимбә көнне Татарстанда көндез 22-27 градус җылы булачак. Казанда салкынчарак - 22-24 градус.