Алабуга укучылары БДИ нәтиҗәләрен апелляциягә биргән

Алабуга укучылары география белән математика фәннәреннән БДИны уңышлы тапшырган. Моны имтиханнарның якынча нәтиҗәләре буенча әйтергә мөмкин.

Быел алабугалылар арасында математикадан 100 балл җыючы юк. Иң югары балл – 88. Иң түбәне – 23 балл. Ике укучы инде шушы БДИ буенча апелляциягә биреп тә өлгергән.

Гомумән алганда, БДИ буенча төгәл нәтиҗәләр 23 июньгә билгеле булырга тиеш.