25 АПРЕЛЬ КӨННЕ КАЗАНЛЫЛАРНЫ ӨМӘГӘ ЧАКЫРАЛАР

Казан мэры Иьсур Метшин 25 апрельдә шәһәрдә узачак гомуми өмәгә чакырды. Казанлылар «Моя Казань» порталында үзләренә яраклы локацияне сайлап, аңа теркәлеп, үз территорияләрендә шәһәрне чистартуда катнаша алачаклар.

Шәһәрдәге чисталык өчен җаваплы комитет җитәкчесе Альберт Шайнуровның сүзләренә караганда, һәркем өчен уңайлы булган формада теркәлү мөмкинлеге тәкъдим ителә. Мәсәлән, катнашучылар үзләренә якын булган территорияне сайлап, инвентарь булуын тикшереп, һәм хәтта эшләрне башкару вакытында электрон хатлар аша искәрмәләр ала алачаклар.

Республикакүләм өмә 25 апрельдә узачак. Бу елдагы үзенчәлекле чараларда шәһәрнең һәр районындагы территорияләрне тәртипкә китерү өчен 30 меңнән артык казанлы, шулай ук якынча 1 500 предприятие һәм учреждение катнашачак. Шәһәрне чистарту өчен эшкә 300 дән артык махсус техника җәлеп ителәчәк.

Әлеге өмәдә махсус кушымталар да кулланылачак. Мәсәлән, үз подъезды тирәсендә чисталык булдыру өчен кешеләр «Госуслуги.Дом» кушымтасы ярдәмендә җыела ала. Бу, үз чиратында, халыкның активлыгын арттырырга һәм күп кешеләрне җәлеп итәргә ярдәм итәчәк.