2018 елда Татарстанда 34 социаль хезмәт күрсәтү учреждениесе ремонтланачак

2018 елда Татарстанда социаль хезмәт күрсәтүче 34 учреждениенең бинасы ремонтланачак. Бу максатларга 121,3 миллион сум акча бүленгән.

Республикада социаль хезмәт күрсәтүче стационар оешмаларга капиталь ремонт үткәрү программасы 2015 елда башланган иде. Ике елда 85 объект ремонтланды, бу эшләргә 348,6 миллион сум күләмендә финанс чаралары тотылды.