«100 ЛИДЕР – ТАТАРСТАН КИЛӘЧӘГЕ. СТУДЕНТЛАР» ПРОЕКТЫ ГАРИЗАЛАР КӨТӘ

«Татарстан Республикасы Сәүдә-сәнәгать палатасы» берлеге яшьләр өчен «100 лидер – Татарстан киләчәге. Студентлар» яңа социаль проектын эшләтеп җибәрә.

Проект яшьләрдә эшкуарлык күнекмәләрен үстерү һәм фәнни-техник эшчәнлеккә җәлеп итү өчен максималь уңай шартлар булдыру омтылышы белән бәйле.

Теркәлү проектның рәсми сайтында 1 октябрьгә кадәр дәвам итәчәк. Алга таба проектка мотивацион хат язу юлы белән сайлап алу узачак, аның нәтиҗәләре буенча иң яхшы 100 студент «100 лидер – Татарстан киләчәге. Студентлар» проектында катнашачак.

Ә октябрь ахырында «Татарстан Республикасы Сәүдә-сәнәгать палатасы»нда беренче лекцияне  уздыру планлаштырыла. Бизнес-интенсив 2024 елның маена кадәр дәвам итәчәк. Профессиональ спикерлардан лекцияләр генә түгел, «Татарстан Республикасы Сәүдә-сәнәгать палатасы» базасында эшкуарлар белән элемтә кору тәҗрибәсе дә әлеге проектта катнашучыларга кыйммәтле белем бирәчәк. Алардан алган кирәкле мәгълүмат яшьләргә үз эшләрен башлаудан һәм проектларны тормышка ашырудан курыкмаска мөмкинлек бирәчәк.