1 СЕНТЯБРЬДӘН ҺӘР МӘКТӘПКӘ - ТАБИБ

1 сентябрьдән башлап, Россиянең һәр мәктәбенә табиблар җибәреләчәк. Бу турыда Россиянең Мәгариф министры Сергей Кравцов хәбәр иткән.

Җитәкче сүзләренчә, бу темага сөйләшүләр Россиянең сәламәтлек саклау министрлыгы белән алып барылган һәм тулысынча килештерелгән. Табибларның төп эше - укучылар һәм мөгаллимнәрнең  сәламәтлеген контрольдә тоту булачак.

1 сентябрьдән алып 14 сентябрьгә кадәр табиб һәр мәктәптә булырга тиеш. 

Исегезгә төшерәбез: Сергей Кравцов уку елының 1 сентябрьдә гадәти режимда башланачагы, алай гына да түгел, мәктәпләрдә бәйрәм линейкалары да узачагы турында хәбәр иткән иде.