ТУЛАЙ ТОРАКТА - КҮРГӘЗМӘ?!

Гадәттә, тулай тораклар бер-берсенә бик нык охшаш була. Ул гына булса бер хәл, аларның бит диварлары да гел тонык төсләрдән гыйбарәт. Ә менә Парижның бер студентлар тулай торагында бу хатаны төзәтергә булганнар: диварларга граффити ясаганнар. 100 кешедән торган рәссамнар командасы өч атна эчендә бу эшне башкарып чыккан. 

Шунысы кызыклы: матур диварлар белән студентлар гына хозурланмый, теләгән һәркем тулай торакка кереп, рухи яктан байый ала. Кызганыч, бинада тиздән ремонт эшләре башланачак, димәк, граффитиларны да бетерергә туры киләчәк. Тик кайгырырга кирәкми: эшләрнең бөтнесен дә фотога төшергәннәр, рәссамнарның трышлыгы бушка китмәячәк.