Логотип Идель
Ачыш

ПРИВИВКА ДА ЯСАТАСЫҢ, БҮЛӘКЛЕ ДӘ БУЛАСЫҢ!

23 сентябрьдә Казанның «Азино» балалар сырхауханәсендә вакцинация бәйрәме уздырыла. Грипка каршы прививка ясатасың да, күңел ачу чараларында, викториналарда, уеннарда катнашасың.

Гриппка каршы прививка – иң нәтиҗәле һәм кулай саклану чарасы. Ул 90 процент очракларда грипптан саклый. Авырып киткән вакытта да чир җиңелчә формада узачак. Прививка кампаниясендә яңа төрле препаратларны кулланалар. Балалар өчен «Совигрипп», «Ультрикс» кебекләрен кадыйлар. Быелгы сезонда А/H1N1 грипп вирусы (дуңгыз гриппы) , А/H3N2 гриппы һәм В гриппына (Брисбен) каршы вакцинация булачак.

Шулай ук 15 сентябрь – 15 октябрь аралыгында «Җиңү проспекты», «Кәҗә бистәсе», «Яшьлек», “Авиатөзелеш” метро станцияләрендә, Агросәнәгать паркында прививка ясау өчен мобиль бригадалар хезмәт куя. Анда көн саен 10.00 – 17.00 гриппка каршы прививка ясап була. Агросәнәгать паркында мобиль бригадалар 8.00 – 15.00 аралыгында (дүшәмбедән кала) эшли.

Нәрсә: Вакцина бәйрәме


Кайда: «Азино» балалар сырхауханәсе


Кайчан: 23 сентябрь, 11.00


Следите за самым важным и интересным в Telegram-каналеТатмедиа

Нет комментариев