КЕМ СИН, ИННОПОЛИС МЭРИЯСЕНДӘ ЭШЛӘҮЧЕ ИННА?

Россиянең IT-шәһәрендә «Инна» исемле виртуаль ярдәмчене эшкә алганнар. Ул – шәһәрдә ясалма интеллект белән эшли торган беренче «кеше». «Инна» коньсьерж-сервиста эшли. Бу кыз шәһәр турында 24 сәгать дәвамында теләсә нинди сорауларга җавап бирә.

Иннополис белән кызыксынучылар арта бара. Кешеләр телефонга да шалтырата, шәһәрнең telegramына яза. Шуңа да цифрлы хезмәткәр кирәк булган. «Инна» кешеләр һәм коньсьерж-сервис арасында арадашчы булып тора.

Виртуаль хезмәткәр иң еш бирелә торган сорауларга җавап бирәчәк. Ә таныш булмаган сорауларны консьерж-сервиска җибәрә. «Инна»telegram һәм телефон аша аралаша. Хәзерге вакытта «Инна» тест режимында эшли. Виртуаль ярдәмче сорауларны эшкәртергә өйрәнә. Инна белән инде бүген үк telegram аша @InnaHelpBot аралашып була.

Фото: http://prokazan.ru