«КАЗАННАН ТУП-ТУРЫ ГЕРМАНИЯГӘ»

Җәй, кояш, каникуллар, яхшы кәеф - мондый гүзәллекне бушка әрәм итәсе килми. Шулаймы? Җәйге ялларның файдалы, кызыклы, күңелле узуын, ә иң мөһиме - искә алырлык вакыйгалар булуын телисең. Инстаграмга матур-матур фотолар да кертәсе бар бит әле. Тик нишләргә, кайларга барырга, нинди шөгыль табарга?

«Ялкын»ның бер бик шәп идеясе бар!

17 нче июнь көнне Казаннан Франкфурт-на-Майне шәһәренә турыдан-туры рейслар ачыла. Самолетлар атнасына ике тапкыр: дүшәмбе һәм җомга көннәрендә очачак. Самолетының да ниндие бит әле: «Airbus A320»!

Баруын бардык, ничек кайтырбыз дисеңме? Безнең өчен монысын да хәл итеп куйганнар: Франкфурт-на-Майнедан Казанга турыдан-туры рейслар йөри.

Бер атна готик стильдәге биналар карап, серле тарихи урыннарда йөреп кайту өчен менә дигән мөмкинлек. Чемоданнарыңны әзерли тор. Тиздән китәбез!