ҖИРГӘ ТАБА ТАНЫШ ТҮГЕЛ ПЛАНЕТА ХӘРӘКӘТ ИТӘ

Чили астрономы Роберто Антезана үзенең Facebookтагы битендә таныш түгел планетаның җиргә таба хәрәкәт итүе турында хәбәр итә.

Галим әлегә шуны гына әйтә ала: әлеге серле планета размеры буенча Марс белән тәңгәл, астероидлардан аермалы буларак, формасы дөрес. Галимнәр фикеренчә, бу җисем зур размерлы комета да булырга мөмкин.

Планета кайчан да булса Җиргә бик нык якынаерга мөмкин, бәрелешү ихтималы шулай ук юк түгел. Американың NASA агентлыгына бу турыда хәбәр ителгән, тик алардан рәсми хәбәр әлегә юк икән. Роберто әлеге җисемне күзәтүен дәвам итәчәге һәм нәтиҗәләрне үз битендә урнаштырып барачагы турында әйтә.

Зилә Сабитова әзерләде