БОЛГАР ИСЛАМ АКАДЕМИЯСЕНӘ 40 УКУЧЫ КАБУЛ ИТЕЛӘ

Болгар ислам академиясенә Уфа, Казан, Мәскәү, Дагстаннан 40 студент кабул ителәчәк. Бу турыда Россия ислам институты һәм Болгар ислам академиясе ректоры, Татарстан мөфтиенең мәгариф буенча урынбасары Рәфыйк Мөхәммәтшин хәбәр итә. 

Аның әйтүенчә, академия ислам фәннәре магистрлары һәм докторлары әзерләячәк. Бирегә укырга керү өчен төп шартлар булып югары белем булу һәм һәм гарәп телен белү тора. Белем алу бушлай булачак. Абитуриентлар җәле итү максатыннан стипендия дә каралган.

Сүз уңаеннан, академиянең рәсми ачылыш тантанасы бүген – 4 сентябрь көнне уза. Уку йортының төзелеш эшләре 2017 елның маенда ук тәмамланган иде инде.