БАРЫСЫ ДА БЕЗДӘН БАШЛАНА! ТАТАРСТАН ЯШЬЛӘРЕН МИНИСТР КОТЛЫЙ

Кадерле дуслар, Татарстан яшьләре!

Чын күңелдән сезне Яшьләр көне белән тәбрик итәм.

Көчле, энергияле, инициативалы – нәкъ менә сез, яшьләр, безнең республиканың сыйфатлы үзгәрешләрен алга этәрә торган көче. Куркусыз һәм кыю – нәкъ менә сез трендлар булдырасыз һәм яңа мөмкинлекләр ачасыз. Барысы да сездән башлана, һәм сезнең ярдәм белән Татарстан һәрчак якты, әһәмиятле һәм заманча булып кала.

Без сезнең янәшәдә булуыбызга, булышлык күрсәтүебезгә һәм ярдәм итүебезгә шатбыз. Болар барысы да сезнең тормышта үз урыныгызны табар һәм туган республикабызда чын-чынлап бәхетле булыр өчен эшләнелә. Дөньяны ачканда, кыю булыгыз һәм тормыштан ләззәт табып яшәгез. Сезгә илһам, сәламәтлек, мәхәббәт һәм бәхет телим!

Татарстан Республикасының яшьләр эшләре министры Дамир Фәттахов