АЯГЫМДА... "НУ, ПОГОДИ!"

Мәшһүр спорт товарларын җитештерүче фирмаларның алдынгыларыннан булган Puma маркасы дөньяда шактый таралган, әмма Россия өчен яңалык булган чара оештырган. Сүз – аяк киеме турында.

1968 ел. Puma фирмасы йомшак күн (замшадан) эшләнгән Suede кроссовкаларын тәкъдир итә. Кибетләрдә сатыла башлау вакытыннан ук әлеге модель дөньяның төрле почмакларында, төрле һөнәр вәкилләре арасында үз тарафдарларын таба. Спорт аяк киеме өчен танылуның беренче сыйфаты – Олимпия уеннарында кулланылу. Чыккан елында ук әлеге дәрәҗәгә ия булган кроссовкалар чын мәгънәсендә легендар дип аталырга лаек.

2018 ел. Модельнең 50-еллыгына багышлап Puma үз тарихында беренче тапкыр Россия компаниясе белән коллаборация (хезмәттәшлек) җимешен тәкъдим итәчәк. Мондый югары танылу дәрәҗәсенә илебездә “Союзмультфильм” студиясе лаеклы дип танылган. Студиянең ике атаклы мультфильмнары – “Ну, погоди!” һәм “Винни-Пух”ның үз шәхси бизәлешле кроссовкалары булачак.

“Ну, погоди!”ныкында Куян белән Бүренең сурәтләре, үкчәсендә “Заяц” һәм “Волк”, олтырагында Союзмультфильм һәм Puma логолары урнаштырылган, «Винни-пух» моделендә исә төп каһарманнардан тыш “Неправильные пчелы” һәм “Неправильный мед” дигән язулар, олтыракка шулай ук логолар тегелгән. Кедаларны кибетләрдә 19 апрельдән башлап сатып алырга мөмкин булачак.