14 ЯШЬЛЕК ЭШМӘКӘРЛӘР

14 яше тулган яшүсмерләргә яңа хокук бирмәкчеләр. Ниндине дисезме? 

ЛДПР депутаты 14 яше тулган балаларга шәхси эшмәкәр буларак теркәлү мөмкинлеген бирергә тәкъдим итә.

Андрей Свинцов фикеренчә, 14-16 яшьлек яшүсмер - төрле мәсьәләргә карата үз фикере булган, интелллектуаль яктан формалашкан шәхес.

Интернет битләренә күз салсак, халык әлеге тәкъдимне хупламый. Берәү “алайса мин 14 яшьтән депутатлык һәм президентлыкка сайлана алу хокукы бирүне тәкъдим итәм!”, дисә, икенче бер кеше “алай булгач, 14 яшьтән армиягә дә алсыннар, балаларга спиртлы эчемлек тә сата башласыннар инде” дигән.