НОЯБРЬ 2023

Ноябрь тышлыгында сине яшь опера артисты Кәрим Галиев каршы ала! Ни өчен нәкъ менә ул? Чөнки мондый салкын, караңгы көннәрдә нәкъ менә Камил сыман чәчрәп торган кешеләр безнең кәефне күтәрә ала. Кәрим белән «Апуш» студиясе һәм операга ничек килеп эләгүе турында сөйләштек.

Шулай ук «Шәхес» сәхифәсендә сине яшь алып баручы Зилә Хәбибуллина һәм җырчы АлияНур белән әңгәмәләр көтә. Шушы ук сәхифәдә «Бик матур» проектының чираттагы геройлары һәм образлары урын алды.

Клоун, бакчачы яки мәсәлән диджейның хезмәт хакы нинди икәнен беләсеңме? Мөгаен, уйлап та караганың булмагандыр әле? Әлеге һөнәрләр белән күпме акча эшләп булуы турында бу санда укый аласың. «Ачыш» сәхифәсендә шулай ук SMM серләре, озын чәчле егетләргә җәмгыятьтә караш һәм яшь программист егет турында язмалар урын алды.

«Тәҗрибә» сәхифәсендә исә вегатерианнар белән сөйләштек, кринж свиданиелар турында яздык һәм «Pinterest» стилендә бүлмәне бизәү серләре белән уртаклаштык.

Ә «Иҗат»та сине даими авторыбыз Азалия Сабитова хикәясе көтә. Бу юлы яңа форматта – без аны комикс иттек!