МАЙ САНЫ

Сәлам, сәлам, кызлар-егетләр. Уку елы ахырына якынлашып килә. Димәк, тиздән җиңел суларга мөмкин булачак. Язның соңгы аен “Ялкын” белән бергә уздыр! Журналны алып укыгансыңдыр инде. Юк икән, тизрәк аның белән танышырга ашык. Чөнки бу санда сине бииик кызыклы һәм файдалы язмалар көтә. Татарстан Республикасы Дәүләт Советы Рәисе Фәрит Хәйрулла улы Мөхәммәтшин белән әңгәмә, “Ялкын”лыларның Дәүләт Советына сәяхәте турында укырга була. Шулай ук XXI гасыр һөнәрләре белән танышуны дәвам итәбез һәм бу санда SMMщиклар белән танышабыз. Ел укучысына кем лаек булганын беләчәкбез. Җәйне күңелле һәм файдалу уздыру серләренә төшенәчәкбез. Әәәй, әйтергә онытып торабыз икән. Укытучылар ни өчен укытучы һөнәрен сайлавы турында да сөйләшәбез әле. Кыскасы, кызыклы материаллар белән танышам дисәң, “Ялкын” белән бергә бул.