АПРЕЛЬ 2024

Апрель саны тышлыгында сине җилкәсенә гармунын аскан чибәр егет каршылый. Май кояшыдай балкып торган бу егетнең исеме – Камил, һәм ул яшь музыкант. Тышлыктагы Камилдән тыш, «Шәхес» сәхифәсендә сине тагын бер Камил белән әңгәмә көтә – анысы инде Ришат Төхвәтуллин труппасында җырлап йөрүче егет. Кыскасы, бу сан иҗади шәхесләргә бай булды.

• «Ачыш» сәхифәсе өчен без сетикет кагыйдәләре (сеть+этикет), мәктәп укучылары өчен грантлар оту мөмкинлекләре һәм космонавтика турында иң шәп ютуб-каналларны туплаган язмалар әзерләдек.
• «Тәҗрибә» сәхифәсендә исә сине ике атналык инста*-детокс, чынга ашмаган хыяллар, коткаручы синдромы турында һәм чыгарылыш кичәсенә идеяләр тупланган язмалар көтә.
• Ә «Иҗат» сәхифәсендә исә без Тукай турында син белмәгән кызыклы фактларны туплап комикс әзерләдек, журналыбызның 1924 елгы беренче саныннан өзекләрне кириллицига күчердек һәм Ләис Зөлкарнәй иҗаты үрнәгендә кызыклы шигъри формалар турында язма әзерләдек.

*Инстаграм – Россиядә тыелган социаль челтәр