"СЫГЫЛМАЛЫ ТЫЧКАН"

Bendy M сыгылма тычканы

Компьютер тычканы тормышыбызның аерылгысыз өлешенә әверелеп бара. Компьютерлар көннән көн кечерәеп, уңайлырак булып барган чорда, механик кимерүчеләребез бер-ике сантиметрга "ябыгу"дан кала, әллә ни үзгәрмәде. Әйе, алар хәзер инде койрыксыз булсалар да, үзең белән йөртү өчен формалары әле һаман бик уңайсыз. Bendy M концепты бу мәсьәләне җиңел чишә.

Бу тычканның корпусы бик сыгылма, сүтеп салганда, ул тасма рәвешен ала - бу тасманы кулга беләзек итеп тагарга да, китап битләре арасына кыстырырга да була. Тычканны компьютерга тоташтыру өчен, аны сигезле рәвешендә бөгү җитә. Ә иң мөһиме - бу гаджетны үзең белән йөртү бик уңайлы.