«МАВЫКТЫРГЫЧ ИНТЕЛЛЕКТУАЛЬ СӘЯХӘТ»

2015-нче елның 3-9-нчы август аралыгында Татарстан Республикасының  Актаныш районында II Төбәкара интеллектуаль иҗат «Агыйдел» яшьләр форумы узачак. Форум Татарстан Республикасының фән һәм мәгариф министрлыгы һәм Татарстан Республикасы яшьләр иҗтимагый «Сәләт» Фонды тарафыннан, югары сыйныф укучылары һәм көллият студентлары өчен  чынга ашырыла. Аның төп максатлары, идеясе һәм калган чаралардан аермасы хакында форумның башкарма директоры, «Сәләт» белем бирү технологияләренең халыкара үзәге җитәкчесе Анна Фельдман сөйләп үтте.

* Анна, форум белән таныштырып үт әле.

* «Агыйдел», беренче чиратта, уку-укыту һәм һөнәри юнәлеш бирү өчен бер дигән мәйданчык. Ул интеллектуаль иҗат һәм проект эшчәнлеге белән кызыксынучы яшьләрне үзендә туплар дип көтелә.

* Форумның программасы нинди форматка нигезләнгән?

* Форумның программасы үз эченә проект идарәсе буенча тренинглар курсын, Татарстан Республикасының әйдәп баручы компанияләреннән мастер-класслар, инглиз һәм татар телен тирәнтен өйрәнү, экологик тәрбия, спорт уеннарын ала. Уку-укыту программасы да төрле формада үтәчәк: гомумсессияләр дә булачак, кечкенә төркемнәрдә дә эшлиячәкбез, эшлекле уеннар, тьюторлар белән аралашу да кергән монда. Иң мөһиме, программа күңелле һәм файдалы булачак!

* Тьютор-әйдаман гадәти әйдаманнан ни белән аерыла?

* Гадәти әйдаманнан аермалы буларак, тьютор-әйдаман сессияләр барышында бирелгән мәгълүматны балага тагын бер кат җиткерергә тиеш була. Аңламый калса, булышырга кирәксә – бала шунда ук тьютор-әйдаманга мөрәҗәгать итә. Шулай ук, гадәти әйдаман кебек үк, күңел ачу чараларына әзерли, спорт чараларында катнаша.

* Нинди тренерлар килүе көтелә?

* Быел без Европа Советы тренерлары белән хезмәттәшлек итәбез. Алар неформаль белем бирү, проект идарәсе, яшьләр белән эшләү өлкәсендә зур тәҗрибәгә ия.

* Форум  икенче тапкыр үткәрелә. Быел нинди яңалыклар көтелә?

* Быел форумның уку-укыту программасы да, мәдәни-күңел ачу программасы да үзгә булачак. Һөнәри юнәлеш бирү өлкәсе буенча Татарстан Республикасының югары уку йортлары катнашында ярминкә дә уздырылачак. Әлеге чара

ярдәмендә Рәсәйнең башка төбәкләреннән килгән катнашучылар да Татарстандагы белем бирү дәрәҗәсен билгели алачаклар.

* Ә синең өчен Форум нәрсә ул?

* Минем өчен форум – ул мөмкинлек. Балаларга проектлар белән идарә итү дөньясын ачу мөмкинлеге, юнәлеш бирү мөмкинлеге,  шәхси һәм һөнәри үсеш бирү, тәҗрибә туплау мөмкинлеге... Һәм, әлбәттә, күңелле сәяхәт тә әле! Тьютер-әйдаман булырга теләүчеләр агыйдел.рф сайтына кереп гариза тутыра алалар.

* Синең шәхси үсешең вакытында мондый чаралар бар идеме? Карьераңның бер өлеше булырлык итеп, кем сиңа илһам бирде?

* Минем яшьлегемдә дә мондый форумнар шактый үткәрелә иде. Аеруча 1997-нче елда үткәрелгәне хәтеремдә нык сакланган. «Рәсәйнең яшь лидерлары форумы» — минем киләчәгемне үзгәрткән чара.

* Яшь буынга теләкләреңне җиткереп уз әле.

* Кызыксынучан һәм кызыклы булыгыз. Үзегезгә ышаныгыз, көчегезгә ышаныгыз, сәләтегезгә таяныгыз.

* Анна, син һәрвакыт шәп кәефле һәм шат күңелле. Сере нидә?

* Яраткан эшем белән шөгыльләнәм, төрле эксперементлар ясыйм, башкага охшамаган көннең формуласын эзлим. Һәм, иң мөхиме, минем әйләнә-тирәмдә искиткеч кешеләр!

* Интернет челтәрендәге язмаларыңа караганда, дөрес туклану синең тормышыңның бер өлеше бугай. Смузи ясау буенча яраткан рецептың бармы?

* Ул бик җайлы: банан, берничә хөрмә, бераз корица, бөтнек яфрагы һәм сөт. Барысын бергә блендерда болгатабыз һәм вуаля!

«Сәләт» Медиа-үзәге

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    3144
    3
    38
  • 14 февраль 2020 - 15:10
    ХӘЕРЛЕ БУЛСЫН СӘФӘР Ярата Рушан шәһәрдән читтәге заказларны. Монда юллар да ярыйсы гына. Шәһәр урамнарындагы кебек чокырлы-чакырлы урыннар аз. Якынлашу белән һәр чатта кызыл күзләрен кабызып көтеп торган светофорлар да юк. Аны-моны уйламыйча, саклыкның ни икәнен дә белмичә юлга атылып чыккан җәяүлеләр дә күренми.
    2998
    1
    18
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1925
    2
    35

Блоглар
  • 19 февраль 2020 - 10:46
    2020 ЕЛДА ЯЗ-ҖӘЙ ТРЕНДЛАРЫ!
    Сәлам! Мин – Галия, стилист. «Ялкын»да үз шәхси рубрикамны ачып җибәрәм һәм бирегә мода белән кызыксынган, һәрвакыт зәвыклы, матур булырга омтылучы үсмерләр һәм яшьләрне чакырам.
    Галия Сафина
    90
    0
    0
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019