"ХАЛЫКЛАР КҮП - ИЛ БЕР! МИЛЛИЛЕК БИЗИ!"

Яшьләр арасында халыклар дуслыгы  һәм гражданлык берлеге идеясен популярлаштыру максатыннан Удмурт Республикасы Милли сәясәт министрлыгы "Народов много - страна одна! Этно украшет!" регионара социаль реклама бәйгесен уздыра. Әлеге бәйге "Укрепление единства российских наций и этнокультурное развитие народов России (2014-2020 годы)" федераль программасы кысаларында уздырыла.

Оештыручылар әлеге бәйге ярдәмендә яшьләр арасында халыклар дуслыгы идеясен популярлаштыру, яшьләрдә милли гореф-гадәтләргә карата ихтирам, хөрмәт уяту, экстремистик хәрәкәтләр белән көрәшү мөмкин булыр дип өметләнә.

Бәйгедә Идел буе федераль округында яшәүче һәркем (аерым шәхес, коллектив, юридик шәхес) катнаша ала.

"Народов много - страна одна! Этно украшет!"  бәйгесе түбәндәге номинацияләр буенча уздырыла:

1) "Социаль реклама: видеоролик"

2) "Социаль реклама, постер (плакат)"

"Социаль реклама: видеоролик" номинациясендә катнаша торган эшләр avi, mpeg4 форматында булырга, 3 минуттан артмаска һәм 2015нче елның 1нче июленнән дә иртәрәк ясалмаган булырга тиеш.

"Социаль реклама, постер (плакат)" номинациясенә җибәрерлгән эшләр TIFF (CS5 версиясе), JPG, GIF форматында, масштаб буенча 1:1 булырга тиеш.

Эшләрне 2015нче елның 30нчы октябренә кадәр Удмуртия Республикасы: 426063, Ижевск шәһәре, Орджоникидзе урамы, 33а адресы буенча яки электрон вариантта e-mail ek-minnac@gmail.com потасына җибәрергә мөмкин.

Нәтиҗәләр 2015нче елның 19нчы ноябрендә ясалачак. Җиңүчеләрне акчалата бүләк көтә.