WORLDSKILLS ҖИҢҮЧЕЛӘРЕ - ПРЕЗИДЕНТТА КУНАКТА

WorldSkills дөнья чемпионатында җиңү яулау – бер бәхет. Ә республика Президенты сине шәхсән котласа – икеләтә куаныч дигән сүз! Россия җыелмасы составында чыгыш ясаган Татарстан командасына да шундый уңыш елмайды бүген. Дөньякүләм ярышларда призлы урын яулаганнарны Рөстәм Миңнеханов шәхсән котлады.

Россия медальләр исәбе буенча шушы ярышларда беренче урынны алды. Ә гомуми исәптә безнең ил бишенче урынны яулады. Әлеге күрсәткечтә безнең республика яшьләренең дә өлеше зур. Россия җыелмасы 11 призлы медаль алды, осталык өчен алынган медальләрнең саны 22гә җитә.



– Без әле юлның башында гына. Мин осталык буенча медальләр саны күбрәк булырга тиеш иде дип саныйм. Мондый яхшы нәтиҗәләрне безнең ил беренче тапкыр күрсәтте. Безнең республика ярышларга барып кайтканчы, Россиядә WorlSkills турында беркем дә белми иде. Сезнең җиңү - ул үзегезнең, остазларыгызның, экспертларның, «Ворлдскиллс Россия» союзының нәтиҗәле хезмәте, – ди Татарстан Президенты Рөстәм Миңнеханов.

Аның фикеренчә, кайбер катнашучыларның медаль яулый алмавына ярыш шартларының үзгәрүе, җайланма белән проблема булу да тәэсир итми калмаган. 2018 елда да безнең илне конкурсантлар лаеклы рәвештә тәкъдим итәргә тиеш.

Ярышларда катнкашкан яшьләрне эшкә урнаштыру мәсьәләсе дә борчый Президентны. Ул бу җаваплы миссияне Татарстан министрлыкларына тапшырды. Теге яки бу компетенция буенча җаваплы профильле министрлыклар конкурсантларны эш белән тәэмин итүдә роль уйнарга тиеш.



– Татарстан «Ворлдскиллс Россия» союзы оештырылганнан бирле аның ярышларында катнашып килә. Без Абу-Дабида узган бәйгеләрне җиңеп чыктык, тик чын-чынлап көрәш безне 2019 елда Казанда көтә, – ди «Ворлдскиллс Россия» союзының техник директоры Алексей Тымчиков.

Безнең республиканың WorldSkills гаиләсен нәрсә берләштерә дигән сорауга экспертлар «команда рухы, җиңүгә ышану, хезмәткә сәләтле булу», дип җавап бирә. Бүген дөньякүләм ярышларда җиңеп чыккан Вадим Поляков, Андрей Дюбанов, Павел Фадеев, Альберт Минеевны Татарстан Президенты да шәхсән котлап, аларга рәхмәт хатлары тапшырды.

Абу-Дабидагы ярышларда осталык буенча медаль алучы Альберт Минеев КИТТУда (КХТИ) белем ала. Ул киләсе елда EuroSkills ярышларында катнашырга җыена. Ә 2019 елда Казанда узачак чемпионатка булачак чемпионнарны әзерләячәк.

Алинә МИННЕВӘЛИЕВА
Ринат НӘҖМЕТДИНОВ фотолары





















Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2480
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2316
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1963
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019