ЯВЛАШТАУНЫҢ ҮЗ СПОРТСМЕННАРЫ

Мәктәптә укыган чагымда ук аларга карап сокланмыйча түзә алмый идем. Сүзем – спорт өлкәсендә бик актив кайнаган, бер ярышта та сынатмаган Саба районы Явлаштау урта мәктәбенең укучы кызлары турында. Үзем андый ярышларда бик катнашмасам да, аларның җиңүләренә карап, күңелдә горурлык туа башлый. Чөнки үзем укып чыккан мәктәпнең укучыларының һәр җиңүе – ул безнең дә җиңү. 

Күптән түгел генә район күләмендә “ООО Долина-Агро Мингер” призына 2006 елгы кызлар арасындагы баскетболда 1 урынны яулап кайтканнар. Аларның җиңү яулап кайтасылары бәхәссез булса да, уңышның серенә төшенергә булдым. Кызларның һәрвакыт рухландырып торучы физкультура укытучысы – Илнур Фазыловка кызыксындырган сорауларымны бирдем.

- Илнур абый, иң беренче чиратта, кызларның спортка ничек кереп китүләре турында әйтеп үтсәгез иде. Баскетбол җиңел спорт төре түгел, өстәвенә кызлар өчен. Ә сезнең укучы кызларыгыз уйнарга тиз өйрәнделәрме?

- Кызларның баскетболга тартылулары минем эшем белән бәйле дип саныйм. 2013 елдан мин Явлаштау урта мәктәбенә физкультура укытучысы булып эшләргә килдем һәм шуннан барысы башланып китте дә инде. Башта мин Мешабаш башлангыч мәктәбендә укытсам, хәзер ике ел Явлаштау урта мәктәбендә белем бирәм. Бер генә спорт төре дә җиңел бирелми. Барлык укучыларның да тырышлыклары һәм теләкләре кирәк. Иң беренче чиратта, теләк булса, барысы да килеп чыгачак. Яхшы нәтиҗәләр күрсәтү өчен үзеңне җәлләмичә, үз өстеңдә эшләү зарур. Баштарак кызларыбыз, кечкенә булу сәбәпле, артык ярышларда йөрмәделәр, иптәшләрчә уеннарда үзләреннән олырак кызлар белән уйнадылар, күбесендә җиңелделәр. Тик аңа да карамастан, мин аларга рухландыргыч киңәшләр биреп тордым. “Сезнең вакытыгыз җитмәгән әле, көтегез, шөгыльләнегез һәм тиздән яхшы нәтиҗәләр күрсәтә башларбыз. Барысы да алда әле!” - дидем. Чыннан да, хәзерге көндә безнең уңышлы “җимешләребез” күзгә күренә бара. Кызлар бик зур тырышлык күрсәтәләр, олырак кызлар да аларга карап кушыла, кечкенәләре дә әкренгә үсеп килә.

- Уңышлы катнашкан уеннарына килгәндә...

- Саба районында үткәрелгән барлык ярышларда да катнашырга тырышабыз. Бик күп иптәшләрчә уеннарга йөрибез. Чөнки кызларның уен практикалары булмаса, алар алга таба ярышларда каушап калачаклар. Алар үзләрен судагы балык кебек хис итәргә тиешләр. Спорт төрләренә кечкенәдән мәхәббәт уятырга кирәк. Чөнки 1нче сыйныфлардан ук авыр күнегүләр бирә башламасаң, 7-8 классларда соң була, алар күнегүләрне үтәмиләр һәм уйнарга теләкләре сүрелә башлый. Әгәр дә кечкенәдән аларны өйрәтсәң, укытучыларына да күпкә җиңелрәк була. Кызларга баскетболдан кала волейбол серләрен дә бирәм. Чөнки волейбол үзенә күрә бик кызыклы уен. Тик ул авыррак булганга күрә, ярышларда әлегә бик катнашканыбыз юк. Алга таба булыр дип ышанып каласым килә. Теге елны 2002-2003 елгы кызлар арасында Явлаштау укучы кызлары 3нче урынны алдылар, анда 2004 -2005 елгы кызларыбыз уйнап, сынатмадылар. Бу очракта “Әфәрин!” диясе генә кала.

- Уеннарда җиңү яулау өчен аларга нәрсә стимул бирә?

- Стимул дигәннән, мәктәптә күптән түгел генә стритбол ярышлары уздырдык. Ул уенда бер кәрзингә өч кешелек команда көч сынаша. 4-7 сыйныфлар бик актив катнаштылар диясе килә. Аларның тырышлыклары аша кече сыйныфлар этәргеч алып, бер-берсенә ияреп, шөгыльләнә башласалар бик әйбәт булачак!








Менә алар безнең иң актив кызларыбыз: 7нче сыйныф укучылары Илфизә Әхмиева, Фәридә Мөхлисуллина, Азалия Яруллина, 6нчы сыйныф укучылары Ләйсән Габрахманова, Айзилә Шакирова, Әлфизә Рахимуллина, Альбина Нәҗипова, Таңсылу Шәрәфиева, Нәфисә Рахимуллина,  5нче сыйныф укучылары Алисә Яруллина, Азалия Ахметова, Камилә Арсланова, 4нче сыйныф укучылары Диана Гайфутдинова, Диана Акбирова, Динә Мингазова, Гөлинә Ахметханова.

Спорт сөюче кызларга киләчәктә зурдан-зур уңышлар теләп калыйк. Мәктәпнең горурлыклары булып, тагын да күп җиңүләр яулап, югары баскычка күтәрелсеннәр иде. Аларның уңышлары һәм тырышлыклары булганда, спорт өлкәсендә яңа буын үсәчәгенә бернинди дә шик калмаячак.

Рәфидә Галимҗанова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2573
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    730
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    636
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019