ЯШЬ ФУТБОЛЧЫЛАР СЫНАУ ТОТТЫ

Мәктәпләрдә уку елы тәмамлану белән авылларга шау-гөр килеп әби-бабайларның балдан татлы оныклары кайтып төшә. Мөэмин-Каратай урамнарында да балалар ишәя. Әлеге малай-кызлар әби-бабайларга хуҗалык эшендә булыша, мал-туарга печән әзерли, кулына кәтмән алып бәрәңге чүбе утый, яшелчә араларын эшкәртә. Әлбәттә замана балалары телефон, интернет, кәмпитер дигән төшенчәләрне дә онытмый.

Менә шул өч айлык озын каникул чорында без каладан кайткан укучыларны китапханәгә тартабыз, табигать кочагында әдәби укулар уздырабыз, төрле кызыклы чаралар оештырабыз! Мәдәният хезмәткәрләре белән бергә әле менә яңа гына уку яшендәге яшь буын белән футбол турниры үткәрдек. Көндезге унда башланды безнең туп тибү уены. Малайлар гына түгел, кызлар да бик ярата футболны. Салахова Аделина, Шәйхетдинова Айлинә, Рахманова Сөмбел, Гыймаева Рамиләләр дә малайлардан калышмаганлыкны дәлилләделәр.

Нигездә яшь футболчылар ике төркемгә бүленде. Җиһаншин Рүзәл “Спартак”, ә Хәйретдинов Венер исә “Рубин” капитаннары итеп юкка гына сайланмады. Әти-әниләре, әби-бабалары исә әлбәттә уенчыларга көч биреп торды. Уч төпләре кызарганчы кул чапты җанатарлар, мактау сүзләрен дә кызганмады. Өч өлештән торган туп тибү уены сизелмичә дә үтеп китте. 6:3 исәбе белән “Спартак” командасы өстен чыкты. Аеруча Җиһаншин Рүзәл, Җиһаншин Илһам, Ситдыйков Динар,Хәкимов Илназ, Җиһаншин Ралифлар үзләрен өметле, яшь футболчылар итеп таныттылар.

Мөэмин-Каратай авыл җирлеге башлыгы Ханнанова Әнисә Атлас кызы, әлеге бәйгене оештыруда башлап йөрүчесе авыл китапханәчесе Таһир Шәмсуаровлар алдагы көннәрдә дә пионербол, волейбол бәйгеләре узачагын билгеләп үттеләр. Үзенчәлекле футбол уены күрсәткән өчен авылыбыз спортчыларына зур рәхмәт белдерделәр, киләчәктә дә сәламәт яшәү рәвешен алга сөреп гомер итүләрен теләделәр. Үзе спортчы, авыл өчен янып-көеп йөрүче, төрле ярышларның даими хөкемдары, судьясы Гыйльманов Ленарга да олы рәхмәтебезне белдерәбез.

Футбол турниры шаулап-гөрләп тәмле-томныдан авыз итү, чәй эчү белән тәмамланды.

Таһир Шәмсуаров


Лениногорск районы, Мөэмин-Каратай авылы

Нравится
Комментарии (0)
Осталось символов:
Шәп укыла
  • 6 сентябрь 2019 - 14:06
    ӘТИ ЙОРТЫ Гөлсинурга авылда атасыннан мирас булып калган йортлары турында әнисе Сәвия бүген тагын шалтыратты: - Кызым, син кайчан барып рәтләп киләсең инде андагы эшләрне? Эчендәге әйберләрен җыеп түгәргә дә, сатарга кирәк инде өйне. Күпме торыр ул? Болай хуҗасыз килеш торса, тиз черер. Урыны да әйбәт йортның. Авыл уртасында. Хакларның әле әйбәт чагы. Акчасы артык булмас, кирәк җире табылыр.
    4757
    2
    92
  • 8 сентябрь 2019 - 10:29
    ИСКЕ ЙОРТ Яңа йорт салып, анда күченгәнгә тугыз ел үтсә дә, Гайшә карчык түбәләре тишелгән, ишеге кыйшайган, күбесенчә келәт вазифасын үтәгән иске өйне сүтәргә улы Рәискә моңа хәтле һич кенә дә ризалык бирергә теләмәде. Рәис, иске йортны сүтик, дип ничә кат сүз башламасын, Гайшә әби улының игътибарын башка якка бора торды, я аңа бик тә мөһим бүтән эш табып биргәләде.
    2805
    1
    78
  • 5 сентябрь 2019 - 10:08
    ӘНИ, СУ БИР! Зур хастаханәнең реанимация бүлеге янында күн эскәмиягә сеңеп диярлек утырган, ябык гәүдәле, башына ак яулык бәйләгән, моңсу-җитди кыяфәтле карчык яныннан табиблар, шәфкать туташлары тыз-быз үтеп йөри. Инде икенче атна моннан китми диярлек утырган әби аларның барысын да өмет тулы карашы белән каршы ала һәм сагыш белән озатып кала. Шәфкать туташлары... Нинди мәгънәле бу исем! Шәфкатьле!.. Менә берәрсе янына килер дә, әйтер кебек: ”Әбекәй, кызыгыз терелде. Бүген аны өйгә алып кайтып китәрсез”, - дияр кебек.
    2407
    0
    58
  • 24 август 2019 - 18:02
    ӘНИЗӘР (ХИКӘЯ) Алар газета-журнал нәшриятында очраштылар. Әнизәр, бер кочак кәгазь күтәреп лифттан чыгып килгәндә, колагына телефонын “ябыштырган” берәү белән бәрелеште.
    1840
    0
    20
  • 2 сентябрь 2019 - 14:57
    СУКЫР ЯЗМЫШ Электричкада кеше күп түгел. Көпә-көндез ник бушка куалардыр бу кадәр тимер өемен?! Әллә шул кеше юклыккамы – тавыш-тынсыз гына, шыңшып кына йөри ул бүген.
    1545
    0
    18

  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    102
    0
    2
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    102
    0
    0
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019