Шушмабашта - әниләр бәйрәме!

24 ноябрь көнне Шушмабаш урта мәктәбендә әниләр бәйрәме булды.

Балаларның осталыклары шаккатмалы. Без әниләр балаларыбыз өчен сөенеп, дулкынланып утырдык. Театр түгәрәгенә йөреп, үзләренең осталыкларын тагын бер кат күрсәттеләр. Түгәрәк җитәкчесе Гөлфия апаларына балаларны театр серенә өйрәтүенә зур рәхмәт. Балаларыбызның осталыкларына куанабыз. Һәрбер әти-әни өчен газиз баласы кадерле.

Әниләр исеменнән мәктәп директоры Рәзилә Габделнуровнага, оештыручыларга, укытучылар коллективына һәм балаларыбызга чиксез зур рәхмәт.