"АЛТЫН КАЛӘМ-2017"

“Өч көн узгач, исәнме кодагый”, - дигәндәй купме вакыт узса да, ниһаять, фестиваль турында язырга булдым. Нәрсә, кайда һәм ничек узган? Хәзер белерсез...

Инде 22 ел “Алтын каләм” үз мәйданына журналистика белән җенләнгән, талантлы балаларны һәм яшьүсмерләрне җыя. Аларның һәрберсе җиңү теләге белән яна һәм үзләрен шушы 5 тәүлек эчендә бары яхшы яктан күрсәтеп калырга ашыга! Ә моның өчен барлык мөмкинлекләр дә бар, бары йокламаска гына кирәк! Әйе-әйе, әлеге фестивальлдә йокы ише нәрсәнең исе дә юк! Көннең 24 сәгать дәверендә чабасың, эзлисең, язасың, иҗат итәсең... Мондый кырыс темпка күнегә алмаучылар да булгалый, сер түгел...

2017 нче елгы “Алтын каләм” башкаларыннан нык аерылып тора. Футболкалар тик бер төстә! Күз алдыгызга гына китерегез, 7 төрле бүленешнең, 7 төсен бер мескен төс алыштырган! Моның булуы мөмкин түгелдер кебек иде, ләкин теркәлү залына килеп керешкә зәңгәрсу кешеләрне күрүгә мондый хәлнең чын икәненә инандык! Төсе бик матур, сүз дә юк, тик кураторларга, катнашучыларга һәм оештыручыларның үзләренә дә бу үзгәреш бик кыенга туры килде...

Әлеге фестивальгә күп тапкыр килүчеләр “Волга” яшьләр үзәге белән таныш. Шуны искәртергә кирәк, быел монда тәүге тапкыр килүчеләр байтак. Хәтерләсәгез, узган 21 нче фестиваль “Регина” кунакханәсендә уздырылган иде. Шул вакытта күп кенә каләмчеләр илһам юклыгына зарланды. Ә быелгы “Алтын каләм”дә илһам ялындырып йөрмәде, Аллага шөкер. Ә кемнен нинди төркемдә икәнлеген бейджеклардан белеп була иде, бу да үзенә күрә бер яңалык.

Фестиваль 120 сәгать дәвамында үзенең шаккттыргыч программасы белән таң калдырды. Һәр көн үзенчәлекле, атаклы кешеләр белән үрелеп барды. Алар арасында “Алтын каләм”нең оештуручылары, РФның атказанган артисты, ТРның халык артисты, ФГУП ВГТРК ГТРК филиалының милли тапшырулар хезмәте җитәкчесе Лия Заһидуллина һәм Татарстан Журналистлар берлеге рәисе Римма Ратникова һәркөн безнең белән каләмнең зу-у-ур казанында кайнадылар! Язучы, журналист, Г. Тукай премиясе лауреаты Мәдинә Маликова, “Татар җыры” телевизион фестивале алып баручысы, “Татар радиосы” диджее Гөлназ Сафарова, Казан федераль университетының Югары журналистика һәм медиакоммуникацияләр мәктәбе директоры Ләйсән Абдуллина кебек танылган шәхесләр белән очраштык, аралаштык һәм, әлбәттә, күп тәҗрибә тупладык. Шулай ук ТНВга, Арчаның Яңа Кырлай авылына һәм Казаныбызның үзенчәлекле җирләренә эксурсия кылдык... Минемчә, һәрбер катнашучы һәм оештыручы да әлеге 22нче “Алтын каләм”нән канәгать калганнардыр!



Касыймова Илүзә, Яңа Кенәр урта мәктәбе укучысы, 11 класс

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    958
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    814
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    759
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019