«ONE SCHOOL – ONE COUNTRY»: Казан мәктәпләрендә - делегация!

45нче WorldSkills дөнья чемпионатына күп калмады. Быелның август аенда Татарстанга дөньяның төрле почмакларыннан килгән делегацияләрне мәктәп укучылары каршылаячак. Чөнки Казан мәктәпләре “Бер мәктәп – бер ил” (“One school – one country”) белем бирү программасында катнаша. Ул эшче һөнәрләрне популярлаштыруга, профориентацияне камилләштерүгә багышлана.

Әлеге проектка быелның 25 гыйнварында старт бирелде: ул WorldSkills стандартлары буенча дөнья чемпионатына әзерлек атнасында башланды. “Бер мәктәп – бер ил” проектында Казанның 57 мәктәбе катнаша. Аларның һәрберсенә бер яки ике ил беркетелгән. Дөнья чемпионаты барышында чит ил катнашучылары шушы мәктәпләргә килеп тәҗрибә белән урталашачак.

Саймон Бартли, WorldSkills International президенты:


 - “Бер мәктәп – бер ил” проекты делегацияләр вәкилләренә һәм Казан укучыларына онытылмас кичерешләр бүләк итәр, дип ышанабыз. Шушы чара ярдәмендә алар хәзерге дөньяда халыкара мәдәният атмосферасын тою никадәр мөһим икәнлеген аңлаячак.


Казанның 113нче мәктәбе WorldSkills чемпионатында Бразилия делегациясен каршы алырга әзерләнә. Бирегә 100гә якын кунак киләчәк. 22 августта мәктәп укучылары делегацияне җыр-бию белән каршы алачак. Әлегә бу ил делегациясенең бер вәкиле килеп, инглиз теленнән ачык дәрес караган, мәктәп һәм монда эшләп килүче музыкаль мәктәп, “Калкан” спорт клубы, спорт залы белән танышкан.

113нче мәктәптә WorldSkills ярышларын популярлаштыру буенча бик күп эшләр эшләнә. 12 апрельдә әлеге мәктәптә укучылар һәм аларның әти-әниләре белән берлектә махсус чара узачак. Анда эшче һөнәр ияләре булган әти-әниләр үз профессияләре турында чыгыш ясаячак. 20 апрельдә укучылар эшче профессияләргә багышланган макетлар конкурсында үз эшләрен яклаячак.

Башлангыч сыйныф укучылары да артта калмый. Алар арасында эшче профессияләргә багышланган җыр бәйгесе уздырылган. 1-4 сыйныф укучылары бу бәйге өчен кайбер музыкаль әсәрләрне сәхнәләштергән. 5-7 сыйныфлар – эмблемалар, өлкән сыйныфлар плакатлар әзерләгән. Конкурсларда җиңүчеләр ачыкланган, башлангыч сыйныф укучыларын төрле номинацияләрдә билгеләп узганнар. Эшче профессияләрне популярлаштыру биредә WorldSkills чемпионаты уңаеннан гына түгел, ә ел саен уздырыла икән. Мисал өчен, 8-9 сыйныф укучылары профориентация буенча урта уку йортлары белән таныша.

- Мондый чаралар эшче профессияләрнең дәрәҗәсен арттыра. Балалар арасында төрлеләре бар: кемдер эшчән, ләкин аңа уку ягы авыр бирелә. Алар 9нчы сыйныфтан көллият-техникумнарга китә. Укучылар арасында киләчәктә эшче профессияләрен сайларга теләүчеләр дә бар. Аларны ландшафт дизайны, визажист, косметолог һөнәрләре аеруча кызыксындыра. Кызганыч, әгәр без укыган вакытта һөнәрләрнең кешегә рәхәтлек, уңайлылык китерү ягын карасак, хәзерге укучылар материаль якка күбрәк игътибар бирә шул, – ди 113нче мәктәпнең тәрбия мәсьәләләре буенча директор урынбасары Алия Җамалтдинова.



“Бер мәктәп – бер ил” программасы кысаларында Казанның тагын бер уку йорты - 36нчы мәктәбе исә Австрия командасын каршы алачак. Әлегә элемтәләрне ныгытыр өчен булачак кунакларга хат җибәргәннәр, хәбәр көтәләр.

- WorldSkills хәрәкәтен популярлаштыру максатыннан мәктәптә даими рәвештә чаралар уздырыла. Күптән түгел генә бу темага сыйныф сәгатьләре үтте. Укытучылар эшче профессияләр турында сөйләде. Укучыларга бирем тапшырылып, алар да һөнәрләр турында чыгыш ясап, үзара фикер алышу булды. Шулай ук чит тел укытучылары өчен семинар узды. Аның кысаларында да шушы чемпионатка багышланган чара булды. Безнең укучылар әлеге чемпионат белән кызыксына. Немец телендә аралаша торган делегация килгәч, беренче чиратта, балаларга немец телен практикалау кызык. Бездә бу тел 2нче сыйныфтан бирле укытыла, – ди 36нчы мәктәпнең немец теле укытучысы Инна Николаевна Кафтанюк.

Белешмә:


WorldSkills Kazan 2019 – бу елның Россиядә иң көтеп алынган вакыйгасы. WorldSkills Competition 2019 – һөнәри осталык буенча 45нче дөнья чемпионаты Казанда 22-27 август көннәрендә узачак. 60 илдән килгән 1600 конкурсант 56 компетенциядә ярышачак. Әлеге чемпионатны уздыру хокукын Казан 2015 елда яулады. Бүген WorldSkills Russia хәрәкәте Россиянең 85 төбәген колачлый һәм кадрлар әзерләүдә өстенлекле юнәлеш булып тора.



Алинә МИННЕВӘЛИЕВА

Нравится
Комментарии (0)
Осталось символов:
Шәп укыла
  • 21 сентябрь 2019 - 20:55
    НИГЕЗ ЙОРТ Сания карчыкның бәгыренә төшкән сагыш иксез-чиксез иде. Бу сагышны бер генә үлчәмгә салып та, бер генә бизмәнгә куеп та булмыйдыр. Ул аны гүя утырган эскәмиясенә мәңгелеккә беркетеп куйган да үзе башка җаннар эзләп китеп барган. Шуңа күрәдерме, Саниянең күңеленә авыр булса да, аның җаны тыныч иде...
    2508
    1
    51
  • 22 сентябрь 2019 - 14:14
    ВӘСИЛӘ Күпләр өчен мәктәпнең ямен алып китте Вәсилә апалары. Шул китүеннән башка килә алмады Вәсилә яраткан мәктәбенә. Авыр чир утыз ике яшьлек чибәр хатынны, аяктан яздырып, урынга беркетте. Көннән көнгә сүнә барды Вәсилә, корый барды. Хастаханәдә дә аңардан тиз баш тарттылар. Үзенә берни әйтмәсәләр дә, табиблар Вәсиләнең ире Ниязны ачыктан-ачык кисәттеләр: “Без ярдәм итәрлек түгел...” Бианасы Кәримә карчык киленен им-томлап та карады. Тик Вәсиләне аягыннан еккан авыр чир китәргә килмәгән иде шул. Айлар буе ятты да ятты урында Вәсилә. Берни аңламаган биш яшьлек кызы Ләйлә белән аңардан да кечерәк улы Фәрит кенә: “Әни, тор инде. Кайчан мәктәпкә барасың?”, - дип җанын кыйдылар.
    1951
    1
    24
  • 26 сентябрь 2019 - 15:08
    ПЕРӘ Вәсил бүген дә иртә таңнан, әнисе урыныннан кузгалып кыштыр-мыштыр йөри башлауга ук, йокысыннан торып утырды. Әнә ул инде кичтән үк әзерләп куелган утыннарны мичкә тутырып, ут үрләтеп җибәргән, сыерны савып кереп, сөтен дә сөзеп куйган. Менә хәзер самавырга чиләктән су салыр, торбасына яңа өлгергән кузлы күмерләрне өстәп җибәрер. Мичтә дөрләгән ялкынга, самавыр торбасы «тәрәзәчек»ләреннән күз кыскан кузларга карап утырырга ярата ул. Улының иртәләрен әнә шулай онытылып, утларны күзәтеп утыруын әнисе сизми диярлек. Сизеп тә игътибар итмиме? Комачауламагач, ярый, утырсын инде, ихтыяры, дияме?
    1773
    0
    13
  • 12 октябрь 2019 - 11:30
    БУШ ЙОРТ Туганыннан артык күреп яраткан күршесе Зөһрә карчык үлеп, өч-дүрт ел үтүгә, аның өен авылның теге башында яшәгән ике балалы, яше утыздан арткан Зөлфәт сатып алгач, ялгызы яшәп яткан Гөлсемнең тынычлыгы югалды. Зөлфәтнең авыл халкына ясаган этлекләрен күреп-ишетеп белгән хатын, яңа күршеләре белән бик якыннан аралашмаса да, йорт-бакчалары терәлеп торгач, алардан качып та яши алмады.
    1654
    0
    14
  • 10 октябрь 2019 - 16:48
    ТУКТАЛЫШ “Тизрәк! Тизрәк!..” Кыска гына мизгелгә аңына килгән Айдар үз янында кайнашкан ак халатлы кешеләрнең кем икәнлеген дә, кая ашыкканнарын да аңламыйча, бөтен тәненә таралган кискен авыртудан тагын аңын җуйды... Тукталышта юл аша чыгарга басып торганда килеп бәрелгән машинаны ул хәтерләмәде. Изелгән аякларын бот төбеннән кисәчәкләрен белми иде әле утыз тугыз яшьлек авыл укытучысы...
    1644
    2
    24

  • 23 сентябрь 2019 - 15:32
    ЖВАЧКА: "БҮГЕН МИНЕМ ТУГАН КӨН!" Бүген без көненә берәр пачка чәйни торган ЖВАЧКАның туган көне. Аңа ничә яшь дип уйлыйсыз? Ничек уйлап тапканнар? Хәзер беләбез!
    136
    0
    0
  • 27 август 2019 - 11:02
    РОССИЯДӘ ШӘП ФИЛЬМ ТӨШЕРӘ БЕЛӘЛӘР! 27нче август – Россия кинематографиясе көне. Россиядә, Совет чорында төшерелгән фильмнарга карата шикләнеп караучылар шактый, әмма син андыйлардан булсаң, бу язманы ябып куярга ашыкма, чөнки Россия кинематографиясе “Ёлки”, “Притяжение”, “Бабушка лёгкого поведения” ише чүп-чардан гына тормый. Һәм без сиңа блогер Badcomedian фикеренчә иң яхшы 5 рус телле фильм тәкъдим итәбез!
    205
    0
    2
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019