КАР САТЫП, АКЧА ЭШЛӘҮЧЕЛӘР!

Кыш әкренләп ахырына таба бара. Кышкы күңел ачуларга вакыт биреп, рәхәтләнеп кар атышып, таудан шуып калырга ашык. Кар йомарламнарын ясаганда кулларың туңа, перчатка-бияләйләрең юешләнә, дисеңме? Америкада синең кебекләр өчен менә дигән җайланма уйлап тапканнар. Vc.ru хәбәр иткәнчә, Space150 американ реклама агентлыгы Миннеаполис (Миннесота штаты) шәһәрендә кар йомарламнары сата торган автомат урнаштырган. Бер йомарлам бәясе – $1 (56 сум тирәсе).

Һәрбер йомарлам аерым банкага урнаштырылган, аңа җитештерелү датасы язылган. Автоматтагы слоган “бер йомарламны өйгә алып китеп, дустыңа атарга” тәкъдим итә. Барлыгы автоматка 500гә якын кар йомарламнары сыя. Автомат куючы фирма әлеге йомарламнар “Чын миннесотаннар тарафыннан кулдан ясалып, савытларга урнаштырылганын” гарантияли.

Әлеге йомарламнарның сәүдә маркасы да бар – алар “Миннесота йомарламнары” дип атала. Space150 креатив директоры Брок Дэвис сүзләренчә, автомат 2018 елда Супербоул (Америка футболы буенча финал, Галәмнең иң текә һәм кыйбатлы спорт тамашасы) узган шәһәрне (ә бу, син инде аңлаганча, нәкъ менә Миннесота булган) рекламалау өчен кирәк булган:

“Без үзебезнең елына 6-7 ай буе шактый салкыннары белән аерылып торучы регионыбызны тәкъдир итәрлек берәр нәрсә уйлап тапмакчы идек. Кар йомарламнары сату буенча автомат моның өчен бер дигән булды”. (Махсус Супербоул өчен штат үзен хәтта “Кыю Төньяк штаты” яки “Төньяк йолдыз штаты” дип брендлаган – “Ялкын”.)



5 февраль көнне булып узган Супербоулга бөтен Америкадан йөзләгән меңнәрчә спорт җанатары килгән була. Кыю һәм креатив егетләрнең инициативасы уңышка ирешкән, дип ышанасы гына кала.

 

Дэвис кар сатудан алынган барлык акчалар да хәйриягә, аерым алганда Миннесота шәһәре балаларына табигать, әйләнә-тирә белән якыннанрак танышырга ярдәм итә торган Wilderness Inquiry оешмасына җибәреләчәк, дип вәгъдә итте.

Кар иле Россиядә мондый автоматларны ел әйләнәсенә тутырып торырлык чимал бар бит, җәмәгать! Без – байлар.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    945
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    500
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    375
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019