«ТАТМЕДИАНЫҢ ЛЕГЕНДАР БРЕНДЛАРЫ» БӘЙГЕСЕ ДӘВАМ ИТӘ

15 нче июль көнне «Татмедианың легендар брендлары» бәйгесе буенча эшлекле сөйләшү булды.

Очрашуда ТР Дәүләт советы рәисе урынбасары Ратникова Римма Атлас кызы,  «Татмедиа» АҖ генераль директоры Шаһиәхмәтов Фәрит Илдус улы,  «Просто молоко» ААҖ генераль директоры, бәйгенең генераль партнеры Моратов Марат Яшәр улы һәм «Татмедиа» АҖ генераль директоры урынбасары Адиатова Әлфия Нәби кызы катнашты.

Очрашу барышында, «Татмедианың легендар брендлары» бәйгесенең уздырылу вакыты, сәбәпләре, номинацияләр, һәм төп бүләк турында сөйләнде. «Татмедиа» хезмәткәрләре тарафыннан бәхәсле мәсьәләләр турында сораулар яңгырады, алардан чыгу юллары эзләнде.

«Татмедиа» АҖ генераль директоры Шаһиәхмәтов Фәрит Илдус улы сүзләренә караганда, әлегә нинди дә булса нәтиҗәләр чыгарырга иртә. Интернет сораштыру һәм укучыларның тавыш бирүе дәвам итә.

ТР Дәүләт советы рәисе урынбасары Ратникова Римма Атлас кызы, бәйгедә җиңү өчен, һәр катнашучының тырышлыгы гына кирәк булуын ассызыклады һәм һәркемгә зур уңышлар теләде.