«ТАТАРСТАН КАДЕТЛАРЫ «АРТЕК»КА КИТТЕ»

2 сентябрь көнне Советлар Союзы герое Гани Сафиуллин исемендәге Татарстан кадет корпусының 40 укучысы «Кадеты Приволжья» көньяк укыту-сәламәтләндерү җыеннарына китте. Җыен «Артек» базасында узачак.

Җыен вакытында кадетлар Кызыл Таш, Сапун тавына, шулай ук Кырым сугышы вакытында Севастополь тоткан саклау чиген карарга барачаклар. Моннан тыш балаларны махсус һәм хәрби дисциплиналар буенча «Морская академия», «Лаборатория моего успеха» кебек остаханәләр, иҗади уеннар, ярышлар һәм кадетлар өчен махсус бал көтә.

Әлеге җыенның төп максаты - төрле регионнардан килгән кадет-балаларны үзара таныштыру, берләштерү, һәм регионның милли үзенчәлекләрен күрсәтү. Искәртеп үтәргә кирәк: җыен вакытында кадетлар үзләренең туган якларын, уку урыннарын тәкъдир итәчәкләр. Быел төп игътибар иҗади номерларны видео ярдәмендә тәкъдим итүгә юнәлтелгән. Татарстан кадет корпусы укучылары милли  биюләр күрсәтәчәк.

Узган ел Татарстан кадет корпусы регион һәм төбәкара ярышларда яхшы чыгыш ясап, икенче урын яулаган иде инде. Быел исә алар тагын да зуррак уңышларга ирешеп, уңай хис-кичерешләр белән кайтырлар дип көтәбез.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
«УНБЕРЕНЧЕ ӘХМӘТ» ӘКИЯТЕ
668
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
730
0
0
Иҗат
МОҢЛЫ ЧИШМӘ КАЙТАВАЗЫ
1039
0
0