ТАТАРСТАН ХАЛЫКЛАРЫ СЪЕЗДЫ: ЯШЬЛӘР МӘСЬӘЛӘСЕ КӨН КАДАГЫНДА

Татарстаныбызда ничә төрле милләт вәкилләре яшәгәнен беләсеңме син? Республикабызда 173тән артык милләт үзара дус һәм тату яши икән бит. Ә иртәгә республикабызда яшәүче төрле милләт халкы өчен аеруча мөһим көн.

Чөнки 22 апрельдә Казанда Татарстан халыклары корылтае узачак. Бу әһәмиятле чара Татарстанда әле өченче тапкыр гына уздырыла. Шулай булса да, анда республиканың 45 районыннан килгән делегатлар һәм республикабыздагы 36 милли-мәдәни автономия вәкилләре катнашачак.
Татарстан халыклар корылтаеның беренчесе 1992 елда уза. Икенче тапкыр бу чара 2007 елда уздырыла. Шул елда оештырылган корылтайда халык белән киңәшләшеп эшләү булачагы хакында хәбәр итәләр. Биредә республикабызда яшәүче милләтләр һәм диннәр арасындагы мөһим мәсьәләләрне хәл итәләр.

Быелгы корылтайда сүз Татарстанда яшәүче халыклар үзара дус булып яшәгәндә генә республиканың төрле өлкәләрдә уңышка ирешүе, эшчәнлекнең нәтиҗәлелеге артуы хакында барачак.

2007 елда, икенче корылтайдан соң, Татарстан халыкларының ассамблеясе да барлыкка килә. Беләсеңдер инде ул Дуслык йортында урнашкан. «Ялкын» аның турында язып та чыккан иде.

Быел яшьләр белән эшләүгә дә корылтайда аерым игътибар биреләчәк.

Фәрит Мөхәммәтшин, Татарстан Дәүләт Советы рәисе, Татарстан халыклары корылтаеның оештыру комитеты рәисе:

– Халыклар ассамблеясе каршында моннан ике ел элек Яшьләр ассамблеясын оештырдык. Аерым ассамблея оештырып, үзебезнең кулдан яшьләрнең дилбегәсен җибәрмибез микән, дип тә уйладык. Ләкин Яшьләр ассамблеясын булдырып, аларга бурычлар куеп, бергә тыгыз элемтәдә эшләп, дөрес эшләдек, дип уйлыйм. Бүген бу ассамблеядә тулы эш башланды. Яшьләр бер-берсенә булышалар. Алар авылларда концерт программалары оештыра, симпозиумнар уздыра.

Татарстанда яшәүче яшьләргә яхшы мөмкинлекәр тудырып, алар «Мин Татарстаннан», дип горурланып әйтсеннәр иде, дип тели рәис. Республикабызда яшәүче халыклар өчен төрле мөмкинлекләр «Балаларбызны яхшы итеп тәрбияләп, матур итеп үстерсәк, татармы ул, русмы ул, чуашмы, Татарстанда яшьләре бертуганнар кебек яшәсеннәр иде», – ди Фәрит Мөхәммәтшин.

Алинә МИННЕВӘЛИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2517
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1991
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    655
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019