РЕНАТ ИБРАҺИМОВ "ЯЛКЫН" ҺӘМ "САБАНТУЙ"ГА ЯЗЫЛДЫ /ФОТО/

Бүген «ТАТМЕДИА»да Россиянең һәм Татарстанның халык артисты Ренат Ибраһимов #ПодариПодписку акциясендә катнашты. Ренат Исламович балалар йортларына «Ялкын», «Сабантуй» һәм «Салават күпере» журналларына ярты еллык язылу бүләк итте. Яңа ел чыршысына ихлас теләкләр язылган сәлам хаты да элеп калдырды.











Әлеге акция «ТАТМЕДИА» ачык акционерлык җәмгыяте тарафыннан 4-нче тапкыр уздырыла. Төп максат – туганнарны һәм якыннарны гына түгел, сугыш ветераннары, балалар һәм өлкәннәр йортларын да газета-журналлар белән куандыру һәм яхшы кәеф бүләк итү.

Моңа кадәр #ПодариПодписку акциясендә Татарстан Республикасы Президенты Рөстәм Нургали улы Миңнеханов та катнашкан иде. Президент Татарстанның бөтен картлар йортын журналларга яздырды.