"ИКЕ КАНАТЛЫ ЛИДЕРЛАР, КЕМ СЕЗ?"

Бүген, ягъни 10 нчы ноябрь көнне Татар-информ мәгълүмат үзәгендә Мәхәллә 2.1 мөселман лидеры мәктәбенә багышланган пресс-конференция булып узды. Очрашуда Мәхәллә 2.1 мөселман лидеры мәктәбе оештыручысы Сафиуллина Резедә Риф кызы, Казан Федераль университеты профессоры Хабутдинов Айдар Юрий улы, "Мәхәллә 2.1" мөселман лидеры мәктәбе модераторы Аммар Әл-Әнси, ТР  МДН Яшьләр белән эшләү бүлеге җитәкчесе Биктимирова Айгөл Ринат кызы, ТР казые киңәшчесе Нургалеев Рөстәм Марат улы катнаштылар.

Оештыручылар әйтүенчә, 2015 елның 18-23 ноябрендә Казанда "Мәхәллә 2.1" мөселман лидеры мәктәбе узачак. Мәктәпне КФУның халыкара мөнәсәбәтләр, тарих һәм шәрыкне өйрәнү Институтының ислам мәгарифен һәм исламият фәнен үстерү Ресурс үзәге Татарстан Диния нәзарәте, Россия ислам институты ярдәмендә оештыра. Әлеге проект узган ел уздырылган “Мәхәллә 2.0” мәктәбенең дәвамы булып тора.XySkIo68z0E (1)

Мөселман лидеры мәктәбенең төп максатларының берсе – яшь мөселманнарны социаль яктан активлаштыру, булган потеницальны җәмгыятькә файда китерүгә юнәлдерү һәм халыкка ислам кыйммәтләрен аңлату. Моның өчен биш көнлек уку-укыту мәтәбендә лекцияләр укылачак, тренинглар уздырылачак һәм ислам дөньясында билгеле булган шәхесләр белән очрашулар узачак. "Мәхәллә 2.1" мәктәбендә катнашучы ахырда үз проектын булдырып, аны тормышка ашыру юлларын билгеләргә тиеш. Проектлар ислам мәгарифе, социаль инфраструктура, җәмгыятьне рухи яктан сәламәтләндерү һәм сыйфатлы мәгълүмат чыганагы булдыру юнәлешендә эшләнә ала.

Мөселман лидеры мәктәбе барышында мөселманнарның хәзерге җәмгыятьтәге урыны, дәүләт һәм коммерция структуралары белән элемтәләр булдыру проблемалары каралачак. Катнашучылар план кору һәм проектны тормышка ашыру юллары белән таныша алачак. Мәктәптә ораторлык осталыгы, риторика, исбатлау һәм дәлилләү бөенча дәресләр уздырылачак. Шулай ук катнашучылар Россиянең төрле төбәкләреннән килгән мөселманнар белән танышып, тәҗрибә уртаклашачак.

"Мәхәллә 2.1" мәктәбендә 18-35 яшьлек актив мөселманнар катнаша ала.

Мөселман лидеры мәктәбендә катнашу өчен 2015 елның 8 ноябренә кадәр гариза тутырыга кирәк.

"Мәхәллә2.1" мәктәбендә катнашучылар Универсиада авылында яшәчәк. Юл бәясен түләүдән кала, оештыручылар барлык чыгымнарны үз өстенә ала.

Мозаффаров Ринат – катнашучылар өчен җаваплы.

Элемтә өчен телефон 89272423578 һәм электрон почта 2.0mahallah@gmail.com.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    748
    0
    2
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    741
    0
    4
  • 19 декабрь 2020 - 10:35
    «ТАШБАКА»: БАЛЫК ПИРОГЫ РЕЦЕПТЫ Бу пирог һәркемнең йөрәген яуларга сәләтле. Әллә ни күп әйбер дә кирәкми!
    621
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019