Логотип Идель
Спорт

СПОРТКА - ИНТЕРНЕТ АША

Татарстанның яңа спорт порталы ачылды. Теге яки бу секциягә йөрисең килсә, sport.tatarstan.ru порталына кер.

Республиканың sport.tatarstan.ru дип аталган порталы – Татарстанның Яшьләр эшләре проекты. Монда дәүләт һәм муниципаль балалар-яшүсмерләр мәктәпләре, спорт объектлары турында тулырак мәгълүмат белергә мөмкин булачак.

Хәзер әлеге сайт республика районнарындагы спорт объектлары турындагы мәгълүмат белән тулыландырыла. Казан, Яр Чаллы, Әлмәт, Саба районнары, Идел буе дәүләт физик культура, спорт һәм туризм академиясе бу эшкә беренчеләрдән булып тотынган.

Бүген порталда республикадагы 270 спорт объекты турында мәгълүмат бар. Алар арасына боз сарайлары, бассейннар, спорт заллары, спорт мәктәпләре кергән. Киләчәктә универсаль спорт мәйданчыклары, хоккей тартмалары турында мәгълүмат та булачак. 3 ай дәвамында портал тест режимында эшләячәк.

Порталда һәркем үзенең теләге, ихтыяжына карап, спорт объектына сайлый ала:

– балалар-яшүсмерләр спорт мәктәпләре;

– әле генә спорт белән кызыксына башлаучылар өчен юнәлтелгән объектлар;

– мөмкинлекләре чикле булган кешеләр өчен яраклаштырылган спорт объектлары.
Мондый порталлар Россиядә әлегә юк.

Татарстанда хәзергә 10 меңнән артык спорт объекты бар.

Следите за самым важным и интересным в Telegram-каналеТатмедиа

Нет комментариев