ПРЕЗИДЕНТКА ШӘП БҮЛӘК!

Татарстан чаңгычылары Россия Кубогын яулады. “Бу Кубок 1 мартта туган көнен билгеләп үтәчәк Татарстан Президенты Рөстәм Нургалиевичка спортчыларыбыздан бүләк булсын”, – дип билгеләп үтте ТР чаңгы узышлары һәм биатлон федерациясе президенты Илшат Фәрдиев.

Коми Республикасында чаңгы ярышлары буенча 2018-2019 еллар сезоны Россия Кубогы финалы тәмамланды. Илнең 47 төбәгеннән 250дән артык спортчыны үзенә җыйган ярышлар Сыктывкар шәһәренең Раиса Сметанина исемендәге республика чаңгы комплексында узды.

Әлеге җиңү – командалы эш нәтиҗәсе. Спортчыларыбыз өчен җан атарга һәм аларның уңышларына бергә сөенергә дип Илшат Фәрдиев үзе дә ярышлар булган урынга килгән иде. Биредә ул спортчылар һәм тренерлар белән очрашып, аларга Россия Кубогы финалының соңгы көннәрендә уңышлар теләде.

Шунысын да әйтергә кирәк: Татарстан чаңгычыларының Россия кубогын икенче тапкыр яулавы. 2017 елдагы беренче уңыштан соң узган сезонда җиңүне кулдан ычкындырдык һәм Кубокны Татарстанга кайтаруны төп максат итеп куйдык.

– Республикага Кубок кайтардык. Бу – бик кыйммәтле җиңү! – диде Илшат Фәрдиев. – Федерациянең уңышлары зур бер команда – спортчылар, сервис күрсәтүчеләр, тренерлар, табибларның уртак эше. Татарстан Президентының да зур ярдәмен тоябыз. Монысы да бик мөһим. Безнең алга куелган Олимпия медальләрен оту, ил чемпионы исемен яулау кебек бурычлар үтәлде инде. Хәзер призлы урыннарны даими яулап, алга таба хәрәкәт итү.

...Россия кубогы ярышларындагы җиңүгә килгәндә, Татарстан чаңгычылары өстенлекне беренче этапта ук үз кулларына алды һәм азакка кадәр шул тизлекне киметмәде. Инде финал ярышлары тәмамланырга бер көн кала ук Татарстанның җиңү яулавы билгеле булды. Безнең чаңгычылар ярышларда 3950 очко җыйса, үкчәгә басырга тырышкан, әмма якын да килә алмаган Коми республикасы командасының 2098 очкосы бар. Өченче урында – Төмән өлкәсе (1544 очко).

Россия Кубогы этапларында Татарстан җыелма командасы исәбендә барлыгы 19 (5-7-7) медаль бар! Аерым уңышларга килсәк, яхшы нәтиҗәләргә ирешкән Артем Николаев, Андрей Феллер, Лариса Рясина һәм Светлана Кузнецова исемнәре атала.





 

Фотолар: ski-tatarstan.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 июль 2020 - 14:54
    КОЕ Кечерәк вакытында ерак әбисе аңа кое турында бер кызганыч хәл турында сөйләгән иде. Әбисе алардан җиде чакрым ераклыктагы авылда яши. Ерак әби исеме дә шуннан алынган. Имеш, кечкенә ятимә кызны үги әнисе кояш баегач коега суга җибәрә. Кайтмыйча озак тора кыз. Үги әни үз кызын кочаклап йоклап китә. Иртән таң суы алырга коега килгән апайлар су өстендә нәни баланың үле гәүдәсенә тап булалар. Шуннан соң бу коедан беркем дә су алмый. Үткән-киткән аннан әлләнинди ят авазлар килгәнен дә ишеткәләгән.
    1793
    0
    13
  • 6 август 2020 - 09:16
    ҖИР АСТЫНДАГЫ ЯЗМЫШЛАР — Әнкәй юк инде... Күптән юк. Мин бит детдом баласы. Әткәйне соң гына эзләп таптым. Эзләмәс тә, тапмас та идем. Әнкәй өчен үч аласым килде. Ул бит әнкәйне тереләй кабергә керткән, аңа көн күрсәтмәгән... Кыйналып, изелеп яшәгән-яшәгән дә, бердәнбер көнне газизен, биш яшьлек малаен калдырып, бакый дөньяга күчеп киткән. Мин эзләп тапканда әткәй бик бетеренгән иде. Үлем чигенә җиткән иде. Ә минем, укуны бетереп, аякка ныклап баскан чагым. Акыл керә башлаган чак... Ә бит мин, детдомда чакта, аны табып дөмектерергә антлар эчкән идем. Бармагымны кисеп агызган җылы канымны кабып сүз бирдем. Хәнҗәр әзерләдем.
    1130
    0
    5
  • 19 июль 2020 - 02:17
    ТӨССЕЗ ДӨНЬЯ Шулай үз дөньяма чумып, автобус тукталышына җиткәндә, бер егеткә килеп төртелдем. Колагымдагы наушниклар җиргә төшеп киттеләр. Аларны алырга үрелгәндә, егетнең агач шикелле басып торуын күреп: – Күзең күрмиме әллә? – дип сукрандым. Эчемнән шушы сүзләр өчен үз-үземне сүксәм дә, уйларымнан нәүмизләнеп, кәефем кырылган чак иде. – Күрмим, – диде егет тыныч кына.
    1053
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019